पंडित दीनदयाळ उपाध्याय पतसंस्था ठेव संरक्षण योजना
पतसंस्थांमधील ठेवींना संरक्षण, ठेवीदारांचा विश्वास वाढवण्याचा प्रयत्न!
सहकारी पतसंस्थांमध्ये पैसे ठेवणाऱ्या सामान्य ठेवीदारांच्या हिताचे संरक्षण व्हावे, या उद्देशाने तत्कालीन सहकारमंत्री मा. श्री. सुभाष (बापू) देशमुख यांच्या कार्यकाळात २०१८ मध्ये ‘पंडित दीनदयाळ उपाध्याय पतसंस्था ठेव संरक्षण योजना’ जाहीर करण्यात आली.
या योजनेत नागरी, ग्रामीण बिगरशेती, महिला, पगारदार तसेच मल्टीस्टेट सहकारी पतसंस्थांमधील ठेवींना प्रतिठेवीदार ₹१ लाखांपर्यंत संरक्षण देण्याची तरतूद प्रस्तावित होती. त्या वेळच्या आकडेवारीनुसार, राज्यातील ८,४२१ पतसंस्थांमधील सुमारे ₹४०,००० कोटींच्या ठेवी या योजनेच्या संभाव्य कक्षेत होत्या.
या उपक्रमाचा उद्देश ठेवीदारांना आर्थिक सुरक्षिततेचा आधार देणे आणि सहकारी पतसंस्थांवरील विश्वास वाढवणे हा होता.
या योजनेचा लाभ घेण्यासाठी अथवा कागदपत्रांच्या मदतीसाठी आमदार जनसंपर्क कार्यालयाशी संपर्क साधा.
