जिल्हा मध्यवर्ती सहकारी बँकांना अर्थसहाय्य

राज्यातील नागपूर, वर्धा आणि बुलढाणा जिल्हा मध्यवर्ती सहकारी बँकांकडे बँकिंग परवाना नव्हता. या बँकांना आवश्यक असलेले सीआरएआर ७% राखता यावे, यासाठी शासनाने ₹४४५.६५ कोटींची आर्थिक मदत दिली. या मदतीमुळे या तीनही बँकांना RBI कडून बँकिंग परवाना मिळाला. तसेच, उस्मानाबाद, बीड, जालना, बुलढाणा, वर्धा, नागपूर आणि सोलापूर जिल्हा मध्यवर्ती सहकारी बँकांना राज्य सहकारी बँकेमार्फत मिळणाऱ्या कर्जाची मर्यादा वाढवण्यात आली आहे. त्यामुळे या बँकांना त्यांच्या कामासाठी अधिक कर्ज उपलब्ध होण्यास मदत झाली आहे.