सहकारातून गाव समृद्धीकडे, महाशिवरात्री पूजन व आवास योजना प्रमाणपत्र वाटप (०५ ते ११ मार्च २०२५)

साप्ताहिक लोकमंगल समूहाच्या अंक ०४ मध्ये (०५ ते ११ मार्च २०२५) आ. सुभाषबापू देशमुख यांच्या या आठवड्यातील उपक्रमांचा आढावा.

सहकारातून गाव समृद्धीकडे जाते

आंतरराष्ट्रीय सहकार वर्ष २०२५ च्या निमित्ताने दक्षिण सोलापूर व उत्तर सोलापूर तालुक्यातील विविध कार्यकारी सेवा सहकारी संस्थांचे अध्यक्ष, सचिव, संचालक मंडळ यांच्यासाठी एक दिवसीय कार्यशाळेचे आयोजन करण्यात आले होते. एक सहकारी सोसायटी गावाचे चित्र बदलू शकते व सहकारातूनच गाव समृद्धीकडे जाते, असे मत आ. सुभाषबापू देशमुख यांनी व्यक्त केले आणि प्रत्येकाने आपल्या अडचणी सांगाव्यात, त्यावर मार्ग नक्कीच काढू असे आश्वासन दिले.

प्रधानमंत्री आवास योजनेच्या लाभार्थ्यांना प्रमाणपत्र वाटप

केंद्रीय गृहमंत्री अमित शाह यांच्या शुभहस्ते पुणे येथे प्रधानमंत्री आवास योजना (ग्रामीण) टप्पा २ अंतर्गत २० लाख लाभार्थ्यांना मंजुरी प्रमाणपत्रांचे वितरण झाले. याच अनुषंगाने दक्षिण सोलापूर पंचायत समितीच्या वतीने मतदारसंघातील लाभार्थ्यांना प्रत्यक्ष प्रमाणपत्र वाटप कार्यक्रम आयोजित करण्यात आला, ज्यात आ. सुभाषबापू देशमुख यांनी लाभार्थ्यांशी संवाद साधत मा. नरेंद्र मोदी यांच्या २०४७ पर्यंत विकसित भारताच्या संकल्पनेवर चर्चा केली.

महाशिवरात्री पूजन विविध ठिकाणी

महाशिवरात्रीनिमित्त आ. सुभाषबापू देशमुख यांनी सोनी नगर वसाहत, बिबी दारफळ येथील शिवमंदिर तसेच हत्तरसंग कुडल येथील भीमा-सीना नदी संगमावरील श्री संगमेश्वर देवस्थानात सपत्नीक पूजा-अभिषेक करून भगवान शिवशंकराचे दर्शन घेतले. कंदलगाव येथे अखंड हरिनाम सप्ताह व ज्ञानेश्वरी पारायणाच्या कीर्तन सोहळ्यासही ते उपस्थित राहिले. सर्व शिवभक्तांना उत्तम आरोग्य, दीर्घायुष्य व सुख-समृद्धी लाभावी अशी प्रार्थना त्यांनी यावेळी केली.

लोकमंगल समूहातर्फे विद्यार्थ्यांना अर्थसहाय्य व सामाजिक उपक्रम

लोकमंगल फाऊंडेशन आयोजित लोटस योजनेअंतर्गत डिप्लोमा, सीबी इंजिनिअरिंग, जीएनएम, अकरावी सायन्स व बीएससी एबीएम अभ्यासक्रमांच्या पाच गुणवंत विद्यार्थ्यांना एकूण ७३,००० रुपयांचे अर्थसहाय्य प्रदान करण्यात आले. तसेच लोकमंगल कृषी जैवतंत्रज्ञान महाविद्यालयाच्या वतीने जागतिक महिला दिनानिमित्त रानमसले (उत्तर सोलापूर) येथे महिला रक्तक्षय तपासणी शिबिर आणि स्पर्धा परीक्षा मार्गदर्शनपर व्याख्यान संपन्न झाले. लोकमंगल पतसंस्थेच्या मोहोळ शाखेचा २१ वा वर्धापन दिनही उत्साहात साजरा करण्यात आला.

इतर सामाजिक व औद्योगिक उपक्रम

भाजपाचे आमदार प्रशांत परिचारक यांचे वडील कै. प्रभाकर (बाबा) परिचारक यांच्या निधनानंतर पंढरपूर येथे जाऊन आ. सुभाषबापू देशमुख यांनी परिचारक कुटुंबियांचे सांत्वन केले. तसेच लोकमंगल उद्योग समूहामार्फत कोल्हापूर येथे नवउद्योजकांसाठी शासकीय कर्ज योजनांची माहिती देण्यासाठी मेळावा आयोजित करण्यात आला. मराठी राजभाषा दिन, भारतरत्न नानाजी देशमुख पुण्यतिथी व महाराष्ट्रभूषण डॉ. नानासाहेब धर्माधिकारी यांच्या जयंतीनिमित्त आ. देशमुख यांनी विनम्र अभिवादन केले.

अधिक तपशीलवार माहिती व छायाचित्रांसाठी संपूर्ण साप्ताहिक अंक कार्यालयात उपलब्ध आहे.