पक्ष संघटन बांधणी, उजनी कालवा सल्लागार बैठक व जनसंवाद दौरा (०८ ते १४ जानेवारी २०२५)

साप्ताहिक लोकमंगल समूहाच्या अंक ४८ मध्ये (०८ ते १४ जानेवारी २०२५) आ. सुभाषबापू देशमुख यांच्या संघटनात्मक व जनसंपर्क उपक्रमांचा आढावा.

भाजप सदस्यता नोंदणी अभियान — संघटन बांधणीवर भर

भारतीय जनता पक्षाच्या सोलापूर ग्रामीण (पूर्व) तर्फे सदस्यता अभियान कार्यशाळा शिवस्मारक येथे संपन्न झाली. सर्व कार्यकर्त्यांनी बूथनिहाय नियोजन करून जास्तीत जास्त सदस्य नोंदणी करावी आणि आगामी संघटनात्मक निवडणुकांसाठी पक्ष अधिक सक्षम करावा, असे आवाहन आ. सुभाषबापू देशमुख यांनी केले. जगदीशश्री मंगल कार्यालय येथेही यासंदर्भात स्वतंत्र कार्यशाळा पार पडली.

कृषी उत्पन्न बाजार समिती व उजनी कालवा सल्लागार बैठका

सोलापूर कृषी उत्पन्न बाजार समितीच्या आगामी निवडणुकीसंदर्भात विचारविनिमय बैठकीत भाजप व मित्रपक्षांनी एकत्र येऊन निवडणूक लढवण्याचा निर्णय घेतला; सर्व कार्यकर्त्यांना मतदारयादीचे वाचन करून प्रत्यक्ष संवाद साधण्याच्या सूचना आ. देशमुख यांनी दिल्या. त्याचबरोबर, उजनी प्रकल्पाच्या कालवा सल्लागार समितीच्या बैठकीत जलसंपदा मंत्री मा. श्री. राधाकृष्ण विखे-पाटील यांच्या अध्यक्षतेखाली मतदारसंघातील पाणी प्रश्नावर सविस्तर चर्चा झाली.

जनसंवाद आभार दौरा सुरूच

विधानसभा निवडणुकीतील विजयानंतरचा आभार दौरा या आठवड्यातही सुरू राहिला — होनमुर्गी, राजूर, औराद, संजवाड, बोळकवठे या गावांत आ. सुभाषबापू देशमुख यांनी ग्रामस्थांशी संवाद साधत मतदारांचे आभार मानले आणि विकासकामांतून विश्वासाला साथ देण्याचा निर्धार व्यक्त केला. अकोले मंद्रूप येथे हुरडा पार्टी व स्नेहसंवादाचे आयोजन करण्यात आले, जिथे 'एक गाव एक उत्पादन' उपक्रमाला चालना देण्याचे तसेच शेतकरी ते ग्राहक थेट विक्रीसाठी तयार करण्यात आलेल्या नव्या ॲपला प्रोत्साहन देण्याचे आवाहन करण्यात आले.

सामाजिक व सांस्कृतिक उपक्रम

द्वारकाधीश मंदिर, सोलापूर येथे ज्येष्ठ नागरिकांसाठी आयोजित मॅरेथॉन स्पर्धेच्या बक्षीस वितरण सोहळ्यास आ. देशमुख उपस्थित राहिले व सोलापुरात ज्येष्ठांसाठी विरंगुळा केंद्रे उभारण्याचे आश्वासन दिले. लोकमंगल पतसंस्थेतर्फे सीए परीक्षा उत्तीर्ण व वैद्यकीय महाविद्यालयातील गुणवंत विद्यार्थ्यांचा सत्कार करण्यात आला. तसेच भूम शाखेत मराठी पत्रकार दिन मोठ्या उत्साहात साजरा करत विविध वृत्तपत्रांच्या पत्रकार बांधवांचा सत्कार करण्यात आला.

अधिक तपशीलवार माहिती व छायाचित्रांसाठी संपूर्ण साप्ताहिक अंक कार्यालयात उपलब्ध आहे.